Tababar Loo Soo Xidhay Qaar Kamid Ah Barayaasha Deegaanka

Jigjiga(cakaaranews)Isniin, 5ta March 2018. Waxaa xarunta deegaanka ee magaalada jigjiga lagu soo gabagabeeyay tababar ujeedadiisu tahay kobcinta garaadka aqoomeed ee barayaasha deegaanka ee ku aadan tayada waxbarashada, qiimaynta iyo dabagalka nidaamka baris barasho. Iyadoo barayaashana laga soo kala xulay 5degmo oo deegaanka ah islamarkaana tiradoodu dhantahay 80 xubnood.

Hadaba, tababarkan ayaa waxaa xidhitaankiisii kahadlay Wasiirka Xafiiska Waxbarashada DDSI Mudane Ibraahim Aadan Mahad oo sheegay in uu aad ugu faraxsan yahay in uu macalimiintan kalasooqaybgalo xidhitaanka tababarkan. Wuxuuna xusay wasiirku in tababarkani uu kusaabsanaa u kuurgalida iyo dabagalka ee dhamaan geedisocodka baris barasho ee fasalka gudishiisa iyo dibadiisaba. Wuxuuna tilmaamay in tababarkani ku’aadanaa dhanka manhajka, tayada waxabarashada, iyo waliba in sidii loo baahnaa ay noqoto cashir-diyaairinta macalinku. Iyadoo wasiirku uu kula dardaarmay barayaasha in ay noqdaan barayaal kafaaiidaysta cilmigii ay barteenn islamarkaana ay gaadhsiiyaan goobihii iyo dugsiyadii ay kakala yimaadeen.

Ugudanbayna, dhankooda barayaashii kasooqaybgashay tababarkan oo dareenkooda kahadlay ayaa sheegay in ay aad ugu faraxsanyihiin tababarkan. Waxayna xuseen in ay barteen casharo badan oo faaiido uleh islamarkaana kuqotama geedisocodka baris barasho ee udhaxeeya macalinka iyo ardayda.