Kulan Wacyigalin Ah Oo Loo Qabtay Culimo Owdiinka Degmooyinka Gobolka Faafan

Dhagaxle (Cakaaranews) Talaado 6da March 2018. Waxaa senterka dhegaxle ee degmada gursum ka qabsoomay kulan balaadhan oo wacyigalin ah uu soo agaasimay Xafiiska golaha sare ee arrimaha islaamka DDSI oo loo qabtay culimo owdiinka degmooyinka uu kakoobanyahay gobolka faafan.

Hadaba kulankan oo ujeedadiisu ahayd barashada caqiiqadada suuban iyo ka hortaga fikirada cidhiidhyoon ee xagjirnimada ah ayaa waxaa furitaakii kulankan ka hadlay gudoomiye kuxigeenka xafiiska golaha sare ee arrimaha islaamka mudane Sheekh Muxumed Cumar Dhaqane oo sheegay in kulankan ku saabsanyahay sidii looga fogaan lahaa ku dhaqanka fikirada cidhiidhyoon ee xagjirnimadka iyo kor uqaadida caqiidada ehlusuna wal jameeca islamarkaana bulshada loo ifiyo afkaarta xagjirnimadka oo ah afkaarta islaamka kalaqaybiyay oo ay wataan dad fikir cidhiidhi ah wata.

Sidoo kale waxaa iyana siwadajir ah  dhankooda ka hadlay hogaanka masaajidada DDSI mudane shariif muxumed  shariif iyo gudoomiyaha golaha arrimaha islaamka ee gobolka faafan sheikh xikim sheikh maxamed oo sheegay ugu horayn loo baahanyahay in lagu mahadiyo allaha nabadgalaydan taamka ah inasiiyay waxayna intaa ku dareen in muwaafaqada aynu haysano sii xoojino islamarkaana ka hortagno caqiidooyinka cidhiidhyoon ee xagjirnimadka iyo waxii la halmaala.

Ugu danbayna waxaa fikirkooda ka hadlay qaarkamid ah culimo owdiinka gobolka faafan ee kasoo qaybgalay kulankan oo sheegay inay la dagaalami doonaan fikirada cidhiidhyoon ee uu kamid yahay xagjirnimadka islamarkaana kor uqaadi doonaan caqiidad wanaagsan ee ahlu suna.