Xuska Sanad-Guurada 20 Jirsatay Ee XDSHSI Oo Si Meeqaam Sare Ah Looga Xusay Jigjiga

Jigjiga,(cakaaranews),khamiis, 8da, March, 2018. Xaflad si qurux badan loo soo agaasimay oo loogu   dabaal dagay munaasabada xuska 20aad ee ka soo wareegtay aas aaskii XDSHSI ayaa ka dhacay magaalada jigjiga gaar ahaan madasha shirarka ee SMCX.

haddaba, Munaasabadan  loogu dabaal dagayay  xuska sanad guurada  XDSHSI oo maalmihii ugu danbeeyay si balaadhan   loogu sii diyaar garoobayay xukuumada, xisbiga iyo shacabkuba ay ku muujinayeen jacaylka maalintan ay u qabaan ayaa waxaa ka soo qaybgalay masuuliyiinta ugu saraysa XDSHSI iyo xukuumada DDSI oo ay ugu horeeyaan  gudoomiyaha XDSHSI ahna afhayeenka golaha xildhibaanada DDSI mudane Maxamedrashiid Isaaq, gudoomiye ku xigeenka XDSHSI ahna madaxwaynaha DDSI mudane Cabdi Maxamuud Cumar,madaxwayne ku xigeenada DDSI, golaha wasiirada, madaxwayneysaashii hore ee soo maray deegaanka, shaqaalaha dawlada, masuuliyiin ka socday  ururada bah-wadaagta la ah XDSHSI odayaal dhameedka deegaanka iyo marti sharaf kale.

waxaa ugu horayntii ka hadlay munaasabadan gudoomiyahah XDSHSI ahna afhayeenka golaha xildhibaanada DDSI  mudane  Maxamedrashiid Isaaq oo ka hadlay munaasabadan ayaa  ugu horayntii ugu hanbalyeeyay shacabka deegaanku meel kasta oo ay joogaan dalka iyo dibadiisa xuska munaasabadan qaaliga ah  wuxuuna  si qoto dheer uga warbixiyay dadaalada xoogan ee lagaga midho dhalinayo dhamaadka qorshihii u yaalay xukuumada DDSI iyo XDSHSI gaar ahaan qorshayaasha koboca isbadalka dhaqaalaha (growth and transformation plan ) (GTP) gudoomiyaha ayaa sheegay in uu cadawga 1aad ee lala dagaalamayaa yahay saboolminada taasina xukuumada iyo XDSHSI qaateen istaraatajiyad iyo jihooyinka lagu tir tirayo saboolnimada gudoomiyaha ayaa sheegay in xisbigu qorshayaashiisa ku saleeyay ka jawaabida baahida bulshada isaga oo baahida 1aad, 2aad iyo 3aad u qaatay hirgalinta ka faa’iidaysiga khayraadka biyaha taasina laga keenay natiijooyin badan oo wax ku ool ah gudoomiyaha ayaa intaasi ku daray in XDSHSI ay ka go’an tahay dar-dargalinta iyo sii xoojinta qorshayaasha ka jawaabaya baahida bulshada, xidhiidhka arimaha bulshada dalka iyo dibadaba iyo kuwa kor loogu qaadayo kaabayaasha dhaqaalaha deegaanka

madaxwaynaha DDSI ahna gudoomiye ku xigeenka XDSHSI mudane Cabdi Maxamuud Cumar oo ugu horayntii ugu hambalyeeyay shacabka deegaanka dalka iyo dibadaba munaasabada 20 jirsatay ee ka soo wareegtay aas-aaskii XDSHSI madaxwaynaha ayaa ka warbixiyay ahmiyada ay leedahay munaasabadan sanad guurada xisbiga iyo isbadaladii siyaasadeed, nabadgalyada iyo maamulka suuban ee uu soo maray XDSHSI gaar ahaan is jiid jiidadkii siyaasadeed ee wakhtiyadii hore soo ragaadisay XDSHSI madaxwaynaha ayaa sheegay dadaal dheeer ka dib in maanta XDSHSI uu suurta galiyay siyaasad barnaamijyo horumarineed nabadgalyo iyo maamul suuban kuwaasi oo  kor loogu soo qaaday nolosha bulshada deegaanka  madaxwaynaha  ayaa ku booriyay in xubanaha XDSHSI  looga baahan yahay in ay sii xoojiyaan  qorshayaasha horumarineed nabadgalyo iyo maamulka suuban ee u dajisan xisbiga   islamarkaana  ku sun-tanaadaan hirgalinta siyaasada xisbiga ee ku salaysan u adeegitaanka bulshada deegaanka.  

Dhankooda axaa ka hadlay munaasabadan masuuliyiintii hore ee soomaray deegaanka oo ay ka mid yihiin 7 madaxwayne yaal oo soomaray deegaanka iyo madaxwayne ku xigeeno  kuwaasi siyaabo kala duwan uga warbixiyay soonyaalka taariikheed ee XSDHSI iyo guud ahaanba taariikhda deegaanka gaar ahaan isbadaladii dhinacyada badnaa ee uu XDSHSI madaxwayneyaashii hore ee soo maray deegaanka ayaa ku amaanay hogaaminta Xisbiga iyo xukuumada DDSI Xaaladihii adkaa ee ay ka soo saareen xisbiga taasi oo ay sheegeen  in ay  sanad guurada 20aad ee XDSHSI ku soo began tahay xili ay deegaanka ka hirgashay tiirarka ubub dhexaadka u ah siyaasada XDSHSI oo ah sal u dhigita nabadgalyada iyo xasiloonida oo ay maanta ku naaloonayaan shacabka DDSI waxayna ku booriyeen  shacab waynaha DDSI,hogaaminta xisbiga iyo  xukuumada in ay sii joogteeyaan oo ay sii xoojiyaan hirgalinta qorshayaasha horumarineed nabadgalyo iyo maamulka suuban islamarkaana dhinaca uga soo wada jeedsanaan cadawkasta iyo cidkasta oo isku dayaysa in ay hakad galiyaan xawaaraha horumarka deegaanka.

Munaasabadan oo halku dhig looga dhigay”Geedi socodka xisbigeena ee ku salaysan aragtida shacabku waa aas-aaska midnimada iyo dib u curashadeena ayaa waxaa ugu dambayntii lagu soo bandhigay tar-tan faneed ay ku tartamayeen kooxaha fanka iyo suugaanta DDSI kuwaasi oo ay kooxuhu ku soo bandhigayeen heesaha hirgalay waxaana kaalinta 1aad galay kooxda liyuu bandhi, kaalinta 2aad waxaa galay hormuud baandhi, kaalinta 3aad waxaa galay anshax bandh halka kaalint 4aad gashay kooxda ilays bandhi.