Xoghayaha Arimaha Dibada Dalka USA Oo Si Qurux Badan Loogu Soo Dhaweeyay Addisababa.

Addisababa,(cakaaranews),khamiis, 8da March, 2018. Xoghayaha arimaha dibada dalka maraykanka mudane Rex Tillerson ayaa soo gaadhay magaalada addis-ababa ee xarunta dalka itoobiya  Waxaana si diiran oo meeqaam sare ah ugu  soo dhaweeyay  garoonka diyaaradaha caasimada dalka  masuuliyiin sare oo uu hogaaminayo wasiirka wasaarada arimaha dibada JDFI Dr  warqineh  gebeyaw.

Socdaalkan  xoghayaha ayaa  qaybka ah socdaal  5maalmood oo booqasho ah oo  uu ku  marayo  qaarka mid ah wadamada  qaarada Africa ku yaala  isaga oo  socdaalkiisan oo ah kiisii ugu horeeyay ee uu ku yimaado wadanka itoobiya Xoghayaha arimaha dibada ee  dalka maraykanka ayaa waxaa la rajaynayaa in uu kulan wada hadalo ah  la qaato  masuuliyiinta ugu saraysa JDFI,  masuuliyiin sare oo labada dhinaca ah iyo xubno kale oo ay ka wada hadlidoonaan arimha geeska Africa. sidoo kale waxay masuuliyiintu ka wada hadlidoonaan dhianca maalgashiga iyo doorka ay maalqabeenada maraykanku ku leeyihiin sacterka  maalgashiga iyo sidii loo dhiira galinlahaa maalgashadayaasha.

Wadamada itoobiya iyo markaykanka ayaa si qota  dheer uga wada shaqeeya taaba galinta danaha labada dal iyo arimaha bulshada sida caafimaadka waxbarashada, beeraha iyo iskaashiga ka wadashaqaynta arimaha nabadgalyada ee  guud ahaan geeska Africa Waxaa kal oo la filayaa inta aanu xoghayuhu u  kicitimin wadamada jabuuti, kenya iyo nayeeriya  in uu la kulmidoona madaxda midowga Africa oo uu ugu horeeyo  gudoomiyaha midowga Africa mudane Mussa   Faki