Munaasabada Maalinta Haweenka Aduunta Oo Si Qurux Badan Looga Xusay jigjiga.

Jigjiga,(cakaaranews),khamiis, 8da March, 2018. Waxaa maanta guud ahaanba caalamka laga xusay munaasabada 107 aad  maalinta haweenka aduunka oo ku beegay 8da March , 2018, taasi oo dalkeena itoobiyana laga xusay munaasabadan maanta markii 41aad.

Munaasabada maalinta haweenka aduunka oo ahayd mid si qurux badan loo soo agaasimay islamarkaa ka dhacday hoolka shirarka ee SMCX ayaa waxaa ka soo qaybgalay masuuliyiin ay ka mid yihiin wasiirka xafiiska arimaha haweenka iyo caruurta DDSI marwo raxma suldaan  maxamuud haybe, wasiir ku xigeen  caafimaadka DDSI mudane caydaruus axmed, maayirka maamulka magaalada jigjiga mudane ibraahin maxamuud mubaarik masuuliyiin heer deegaan ah , odayaal, culimo awdiinta iyo marti sharaf kale.

Haddaba, munaasabadan oo halku dhig looga dhigay” ka qaybgal iyo  abaabul xoogan ayaan ku xaqiijinaynaa  ka faa’iidaysiga haweenka” waxaa ugu horayntii ka hadlay, munaasabadan waxaa ugu horayntii ka hadlay maayirka maamulka magaalada jigjiga mudane Ibraahin Maxamuud Mubaarik oo tilmaan dheerka bixiyay doorka ay haweenka DDSI ku leeyihiin hirgalinta qorshayaasha horumarka nabadgalyada iyo maamulka suuban wuxuuna sheegay maayirku in ay munaasabada xuska maalinta haweenka aduunku ku soo beegan tahay xuska sanad guurada 20aad ee XDSHSI oo xaqiiyay hirgalinta qorshayaasha horumarineed nabadgalyo iyo maamulka suuban.

Dhankeeda wasiirada arimaha haweenka iyo  caruurta DDSI   marwo Raxma Suldaan Maxamuud Haybe oo ugu horaynti  xuska maalinta haweenka aduunka ee 8 March 2018 guud ahaan haweenka deegaanka soomalida itoobiya,waxayna si qoto dheer uga warbixiysay taariikhda iyo sooyaalkii ay soo mareen haweenka iyada oo sheegtay in ay haweenka deegaanka soomalida itoobiya  soo mareen cadaadisyo farabadan oo kaga iman jiray dhinaca dhaqanka,siyaasada ,ka qaybgalka bulshada iyo waxbarashadaba wasiirka ayaa sheegtay in halgan dheer ka dib la suurta galiyay in haweenka DDSI si meeqaam sare ah uga qayb-qaataan hirgalinta qorshayaasha horumarka nabadgalyada iyo maamulka suuban wasiirka  ka warbixisay sida XDSHSI iyo xukuumada DDSI u ilaalisay xuquuqaha haweenka deegaanka iyo ka qaybgalinta arimaha siyaasada iyo dhaqaalaha

Sidoo kale waxaa ka hadlay xuska maalinta haweenka aduunka gudoomiyaha golaha sare ee arimaha islaamka deegaanka mudane sheikh cabdiraxmaan xasan xuseen iyo qaarka mid ah odayaal dhaqameedka deegaanka ayaa ka warbixiyay ahmiyada ay leedahay munaasabadan xuska maalinta haweenka aduunka waxayna sheegeen in ay ku soo hagaagtay xili haweenka deegaanka si balaadhan uga qayb-qaataan hirgalinta qorshayaasha horumarineed nabadgalyo iyo maamulka suuban.

Ugu dambayntii waxay ka soo qaybgalayaashii munaasabadan ku xuseen dhiig shubid ay ugu talagaleen in ay dhiigood bulshada deegaanka ee u baahan in  dhiig loog loo shubo