የኢ.ሶ.ክ ህብረተሰብ የክልሉ ሰላምና ልማትን የሚደግፉበት ሰላማዊ ሰልፎች በሁሉም ዞኖችና ወረዳዎች አካሄዱ

ዋርዴር(Cakaaranews)እሁድ ሚያዝያ 28/2010 ዓ.ም የአትዮጵያ ሶማሌ ክልል ከ10 ዓመታት በፊት በክልሉ በነበረው የሰላም እጦትና ውጣ ወረዶች ምክንያት የክልሉ ዞኖች ፣ ወረዳዎችና ቀበሌዎች አንዱ ከሌላኛው ጋር ትስስር እንዳልነበራቸው ይታወቃል፡፡ ከዚህ በተጨማሪም በክልሉ በነበረው የንጹህ መጠጥ ውሃ እጥረት ህይወት ያለው የሰው ልጅና እንስሳትም በውሃ ጥም ይሞቱ እንደነበር የማይካድ ሀቅ ነው። በክልሉ የሚገኙ ከተሞች ደግሞ ከመንደር በታች እንደነበር ይታወሳል። በዚህ ረገድ በክልሉ የልማት ዋና እንቅፋትና ተግዳሮት የነበረው የሰላም እጦትና የፀጥታ መደፍረስ በክልሉ ወጣቶች በተነደፈው የለውጥ ሃሳቦች የኢትዮጵያ ሶማሌ ክልል ሌሎች ክልሎች የደረሱበት የለውጥ ተርታ ለማሰለፍ በክልሉ ጠንካራ የፀጥታና የዘላቂ ልማት ስተራቴጂዎች እና እቅዶች በመንደፍ የህዝቡ አንደኛ ጠላት የነበረውን ድህነት እንዲቀረፍና ማህበረሰቡ በሰላም ወጥቶ በሰላም እንዲገባ ምክንያት ሆኗል።

 በተጨማሪም የክልሉ ቆራጥ ወጣት አመራሮች በክልሉ የነበረውን የሰላም መደፍረስና የመሠረተ ልማት አውታሮች እጥረት ለመቅረፍ የነደፉት የዘላቂ ሰላምና የህዳሴ ጉዞ ስተራቴጅዎች እንዲሁም የክልሉ ወጣቶች የቀረጹትን የረጅም እቅዶች ራዕይ በጥቂት ዓመታት ውስጥ እዉን አድርገዋል።

በመሆኑም የክልሉ ህዝብ በተለይ የክልሉ ሄጎ/ወጣቶች ጉም በትንሽ አመታት ውስጥ የክልሉ መንግስትና የክልሉ መሪ ድርጅት ኢሶህዴፓ በአጠቃላይ በክልሉ ያከናወኑት የንፁህ መጠጥ ውሃ ተደራሽነት ፣ የትራንስፖርት መሠረት ልማት ፣ እንደ ትላልቅ ድልድዮች ፣ የትምህርት ተደራሽነት ፣ የጤና አገልግሎት መስፋፋትና የተፋሰስና መስኖ ግብርና እንዲሁም የወጣቶች የሥራ ዕድል ፈጠራ ፤ የሴቶችን የፖለቲካዊ ማህበራዊና ኢኮኖሚያዊ ተሳትፎ በማሳደጋቸውና በቅርቡ በክልሉ አንዳንድ አከባቢዎች በኢሊኖ የአየር ለውጥ ምክንያት የተከሰተው ድርቅን አስመልክቶ የክልሉ መንግስትና የክልሉ መሪ ድርጅት ኢሶህዴፓ በሰጡት ፈጣን ምላሽ እና የመሳሰሉትን መልካም ተግባራት የሚደግፉበት ሰላማዊ ሰልፍ በሲቲ ዞን በቀዳሚነት ከተጀመረ በኋላ በአጠቃላይ በክልሉ ዞኖች ፣ ወረዳዎችና የከተማ አስተዳደሮች በክልሉ ወጣቶች የሚመራ ሰፊ ሰላማዊ ሰልፍ ተካሂዷዋል።

የኢ.ሶ.ህ.ዴ.ፓ.ማዕከላዊ ኮሚቴ አባልና የአርብቶ አደር ማህበረሰብ ልማት ፖሮጀክት ፅ/ቤት ሃላፊ አቶ አብዲሀኪም ኢጋል ኡመር የክልሉ ወጣቶች በቀዳሚነት በሲቲ ዞን  ያካሄዱትና የክልሉ መንግስትና የክልሉ መሪ ድርጅት ኢሶህዴፓ መልካም ክንዋኔዎች የሚደገፍበት ስላማዊ ሰልፍ በክልሉ በሌሎች የክልሉ ዞኖች እንድያካሄዱ ማሳሰባቸውም ይታወሳል። በዚህም በክልሉ የሚገኙ በ11 ዞኖች፤ 93 ወረዳዎችና በ6ቱ ከተማ አስተዳደሮች የክልሉ ልማት፤ሰላም፤የዴሞክራሲ ሥርዓት ግንባታና የመልካም አስተዳደር ሥራዎች የሚደገፍበት በርካታ የልማት ሰልፎች ተካሄደዋል።

በዚህ ረገድ በዶሎ ዞን ርዕሰ መዲና በሆነችው በዋርዴር ከተማ ከሰልፈኞች ጋር ንግግር ያደረጉት የክልሉ ም/ርዕሰ መስተዳደርና የእርሻና ተፈጥሮ ሀብት ቢሮ ኃላፊ ክብርት ወ/ሮ  ሱኣድ አህመድ ፋራህ  በዋርዴር ከተማ የተካሄደው ሰላማዊ ሰልፍ የክልሉን ሰላም ፣ ልማትና የአስተዳደር ሽግሸግ ህዳሴን የሚደግፍ እንደነበረ ገልጸዋል። በዋርዴር ከተማ አከባቢዎች የሚኖሩና በአንድ ላይ የተሰባሰቡ ሄጎ የማዕበል ወጣቶች በበኩላቸው ከመቼም በላይ በክልላቸው የተጀመሩ የመሠረተ ልማት ሥራዎች እጅግ ደስተኛ ከመሆናቸውም ባሻገር ሁሌም ከክልሉ መንግስትና ከክልሉ መሪ ድርጅት ኢሶህዴፓ ጎን እንደሚቆሙ እንዲሁም ከሃገሪቱ ብሎም ከክልሉ የጸጥታና የህዳሴ ግስጋሴ ጎን ዘብ እንደሚቆሙ አረጋግጠዋል።

በተመሳሳይም በቆራሄይ ፣ በሸቤሌ ፣ በጀረር ፣ በአፍዴር ፣ በሊባን ፣ በዳዋ ፣ በኖጎብ እና በኤረር ዞኖች የሰላም ፣ የልማትና የህዳሴ ሰላማዊ ሰልፎች በሰፊው የተካሄዱ ሲሆን በጎዳናዎቹ ላይ የኢሶህዴፓ ከፍተኛ አመራር አካላት ወሰኝ ንግግሮች አድርገዋል። በመጨረሻም በሠላማዊ ሰልፎቹ የተሳተፉት የማህበረሰብ ክፍሎች በክልሉ በተጀመሩ የመሠረተ ልማት ሥራዎች እጅግ ደስተኛ መሆናቸውና ሁሌም ከክልሉ መንግስትና ከክልሉ መሪ ድርጅት ኢሶህዴፓ ጎን እንደሚቆሙና የሃገሪቱ የሰላም ፣ ጸጥታና ልማት እንዲሁም የህዳሴ ትራንስፎርሜሽን ጉዞ ጎን ዘብ እንደሚቆሙ ቃል ገብተዋል።