Shirwaynihii 12aad Ee wadatashiga Xukuumada Iyo Shacabwaynaha DDSI Oo Si Rasmi Ah Uga Furmay Magaalada Awbare

Awbare(Cakaaranews) Sabti 12ka May 2018. Shirwaynihii 12aad ee wadatashiga xukuumada DDSI  iyo shacabwaynaha oo ay kasoo qaybgaleen in kabadan 3000 oo ergooyin kakala socday 11ka gobol, 6da maamul magaalo iyo 93da degmo ee ka koobanyahay deegaanku islamarkaana lagaga wada hadlayay horumarka nabadgalyada nidaamka maamulka suuban iyo dibucurashada ayaa si rasmi ah uga  furmay degmada awbare ee gobolka faafan.

Haddaba shirwaynaha 12aad ee wadatashiga xukuumada DDSI iyo shacabwaynaha oo ay kasoo qaybgaleen mas’uuliyiinta ugu saraysa xukuumada DDSI oo ugu horeeyo madaxwaynaha DDSI mudane Cabdi Maxamuud Cumar, afhayeenka golaha xildhibaanada mudane Maxamedrashid Isaaq, Madaxwayne Kuxigeenka ahna wasiirka xafiiska horumarinta beeraha iyo khayraadka dabiiciga marwo sucaad Axmed Faarax, Madaxwayne Kuxigeenka Ahna wasiirka xafiiska caafimaadka DDSI mudane Xamdi Aadan, wasiirada, wasiir kuxigeenada, 3000 oo ergooyin kasocdey gobolada, MM iyo degmooyinka deegaanka, odayaal dhaqameedka deegaanka, culimo owdiinka, qurbojoogta deegaanka udhalatay oo ka kala yimid deegaanka oo uu kamid yahay gudoomiyaha guud ee jaaluiyada DDSI ee waqooyiga america mudane badri yuusuf iyo masuuliyiin kale oo wahelinaysay, kooxa fanka ee deegaanka iyo marti sharaf kale.

Waxaana furitaankii shirwaynaha 12aad ee wadatashiga xukuumada DDSI iyo shacabwaynaha ugu horayn lagu furay aayado quraanka kariimaka ah waxaana ugu horayn ka hadlay madaxwaynaha DDSI mudane Cabdi Maxamud Cumar oo ugu horayn salaan guud salaamay shirwaynaha islamarkaana si faahfaahsan usoojeediyay sooyaalkii taariikheed ee uu deegaanku soomaray oo ay ugu horaysay nabadgalyo daradii iyo horumar la’aantii ka jirtay guud ahaanba deegaanka. Madaxwaynaha ayaana xusay in nabadglyadii daradii ay nabadiidiku ugaysateen deegaanka iyo maamul xumadii ka jirtay deegaanka ay hagardaamooyin badan ugaysteen islamarkaana sida aynu kagasoo baxnay wada ogsoonahay, Wuxuuna madaxwaynuhu intaa ku daray in mudada uu shirwaynuhu socdo lagaga wada hadli doono, horumarka nabadgalyada nidaamka maamulka suuban iyo dibucurashada, iyadoo lasoo dhigo doono baahiyaha aas-aasiga ah ee ka jira maamul magaalooyinka iyo guud ahaanba degmooyinka deegaanka

Dhankooda waxaa iyana heeso ka turjumaya  horumarka, nabadgalyada nidaamka maamulka suuban iyo dibucurashada soo bandhigay kooxaha fanka ee deegaanka heesahaas oo run ahaantii gundhig u ah nidaamka dibucurashada iyo maaulka suuban .

Ugu danbayna shirwaynaha 12aad ee wadatashiga xukuumada DDSI iyo shacabwaynaha oo socon doono mudo 2 maalmood ah ayaa la isku xog wadarsan doonaa horumarka nabadgalyada nidaamka maamulka suuban iyo dibucurashada iyo waliba sidii loosii adkayn lahaa horumarka dhincayo badanaha ah ee ka hanaqaaday guud ahaanba deegaanka.