MW CMC IYO Waftigii Uu Hogaaminayay Oo Ku Sugan Xarunta Gobolka Qoraxey

Qabridahar(Cakaaranews) Jumce, 29ka June, 2018. Madaxwaynaha DDSI mudane Cabdi Maxauud Cumar iyo waftigii balaadhnaa ee uu hogaaminayay oo ku gudajira socdaalka loogu magacdaray shidaalka iyo saliida ayaa kadib markii uu si wadajir ah xadhiga uajaray ceelasha shidaalka iyo saliida ee elele iyo kaaluub ayaa wuxuu waftigu  uhoydey degmada dhoobawayn ee gobolka qoraxey, iyadoo uu halaas madaxwaynuhu kulan kula yeeshay qaybaha kaladuwan ee bulshada ku dhaqan degmada dhoobo-wayn.

Wuxuuna madaxwaynaha DDSI mudane Cabdi Maxamuud Cumar uu shacabka degmada dhoobo-wayn usheegay in maadaama oo xadhiga laga jiray khayraadka shiidaalka deegaanka looga baahanyahay shacabka inay ilaashadaan islamarkaana ay sii xoojiyaan dadaaladii balaadhnaa ee lagu gaadhay guushan maantan. Madaxwaynaha ayaana intaa kudaray in mustaqbalka dhaw laga bixidoona cadawgeena koobaad oo ah saboolnimada, madaxwaynaha ayaana shacabka ku adkeeyay inaysan is dhiganin balse loo baahan yahay inay ka faaiidaystaan khayraadka kale deegaanka.

Dhankoodana waxaa iyana kulan ka hadlay qaybaha kaladuwan ee bulshada ku dhaqan degmada dhoobowayn iyagoo ugu horayn ilaahay ugu mahadnaqay in maalintan taariikhda ah ay gaadhaan waxayna ka sheekeeyeen sida ay oogu faraxsanyihiin rajadii ay naawilayeen inay rumowdo iyagoo balan iyo wacad kumaray inay ilaashanayaan.

Intaas kadib ayaa waxuu waftigu usoo socdaalay dhanka ceelasha kaalub oo iyana la gaba-gabeeyay, isagoo madaxwaynuhu soo kormeeray   ceelasha shidaalka ee kaalub oo wakhti xaadirkan bilaabaya in dalkeenu dhoofiyo shidaalka noocyadiisa kaladuwan.

Madaxwaynaha DDSI mudane Cabdi Maxauud Cumar iyo waftigii balaadhnaa ee uu hogaaminayay oo ku gudajira socdaalka loogu magacdaray shidaalka iyo saliida ayaa duhurnimadii maanta hadhgalay degmada shilaabo ee gobolka qoraxey, iyadoo uu hlakaas maxawaynuhu kulan balaadhan kula yeeshay qaybaha kaladuwan ee bulshada ku dhaqan degmada shilaabo, wuxuuna madaxwaynuhu usheegay shacabka in la gaadhay xiligii uu shacabka deegaanku  jabinayay dhiisha fiqriga, wuxuuna madaxwaynuhu intaa kudaray in sidii shacabka reer shilaabo looga bartay ay u ilaashadaan mashruucan uu shacabka deegaanku ku jabinayo dhiisha fiqriga.

Kulankaas kadibna ayaa waxay madaxwaynaha iyo waftigiisu usoo caraabeen dhanka magaalada qabridahar ee xarunta gobolka qoraxey iyagoo madaxwaynaha iyo waftigiisu u istaagayay shacabka ku teedsan tuulooyinka wadada laamiga ah ee udhexaysa shilaabo iyo qabridahar islamrkaana ay shacbaku kusoo dhawaynayeen laama qoyan iyo qablbi furan.

Ugu danbayna madaxwaynaha iyo waftiga balaadhan ee uu hogaaminayay ayaa usoo hoydey magaalada qabridahar ee xarunta gobolka qoraxey, iyadoo ay shacabka magaalada qabridahar madaxwaynaha iyo waftigiisa kusoo dhaween duleedka magaalada qabridahar. Madaxwaynaha iyo waftigiisa ayaana wakhti xaadirkan ku sugan magaalada qabridahar ee xarunta gobolka qoraxey.