MW CMC Iyo Waftiigii Uu Hogaaminayay Oo Kusoo Dheelmaday Magaalada Dhagaxbuur

Dhagaxbuur(cakaaranews)Isniin, 2da July 2018. Madaxwaynaha DDSI Mudane Cabdi Maxamuud Cumar iyo waftigii balaadhnaa ee uu hogaaminayay ee kugudajiray socdaalkii shidaalka iyo saliida ayaa maanta kasoo anba baxay degmada shaykoosh islamarkaana caawa kusoo dheelmaday magaalada dhagaxbuur ee xarunta gobolka jarar. Iyadoo madaxwaynaha iyo waftigiisuba intii ay soo socdeen saacado badan  laqaatay bulshada kudhaqan senterada iyo tuulooyinka u dhexeeya  shaykoosh iyo dhagaxbuur kuwaas oo soo dhawayn balaadhan oo farxadi ku dheehan tahay u muujinayay madaxwaynaha iyo waftigiisa islamarkaana kutiirsanaa hareeraha wadada laamida ah ee u dhaxaysa shaykoosh iyo dhagaxbuur.

Hadaba, madaxwaynaha iyo waftigiisa oo kuguda jira kasoo laabashadii socdaalkii shidaal iyo saliid ayaa wakhti xaadirkan kusugan magaalada dhagaxbuur ee xarunta gobolka jarar iyadoo halkaasna ay duleedka magaalada dhagaxbiuur si meeqaam sare leh ugu soodhaweeyeen bulshada qaybaheeda kaladuwan ee kudhaqan magaalada dhagaxbuur. waxayna madaxwaynaha iyo waftigiisu caawa usoo hooydeen magaalada dhagaxbuur. Iyadoo lafilayo in sidii caadada u ahaydba madaxwaynaha  DDSI mudane Cabdi Maxmuud Cumar uu kulamo kaladuwan laqaato bulshada qaybaheeda kaladuwan ee kudhaqan magaalada dhagaxbuur.