Imtaxaanka Xaqiijinta Tayada Macalimiinta Iyo Hog-Waxbarashada Oo Maanta Kabilawday Magaalada Jigjiga

Jigjiga(cakaaranews)Talaado, 3da july 2018. Waxaa maanta kuliyada tababarada macalimiinta ee Dr cabdimajiid xuseen si rasmi ah uga bilawday imtaxaanka xaqiijinta tayada xirfada baranimo ee shatiga kaasoo ay kasooqaybgaleen macalimiinta heerka diplomta ah ee sanadkan 2010 T.I kaqalinjabisay kuliyadaha tababarada macalimiinta ee jigjiga iyo qabridahar.

Hadaba, Gadhwadeenka Geedisocodka Shati bixinta Iyo Cusboonaysiinta Xirfada Barayaasha Iyo Hogaaminta Waxbarashada Ee Xafiiska Waxbarshada DDSI Mudane Mukhtaar Ibraahim Muxumed oo warbaahinta lahadlay ayaa sheegay in maanta ay si rasmi ah u bilaabeen imtaxaankii qoraalka ahaa ee xaqiijintata tayada xirfada baranimo. Imtaxaankaas oo ah mid laga qaadayay macalimiinta sanadkan 2010 T.I  ka qalinjabisay kuliyada tababarada macalimiinta ee Dr cabdulmajiid xuseen iyo kuliyda tababarada macalimiinta ee qabridahar. Wuxuuna intaas kudaray agaasinku in imtaxaankani yahay mid ay macalimiinta iyo hogaaminta waxbarashadu kuqaadan doonaan shatiga xirfada baranimo. Islamarkaana ah imtaxaan si guud uga wada dhacay dhamaan 9ka dawlad deegaan iyo labada ismaamul magaalo ee  dalkeenan itoobiya.

Sidookale, agaasinka ayaa sheegay in imtaxaanku uu yahay hal maalin oo ahayd  maanta islamarkaana ay imtaxaanka qaateen macalimiin tiradoodu kudhawdahay 300 oo bare oo ah macalimiinta diplomta ah ee sanadkan kaqalinjabisay 2da kuliyadood ee tababarada macalimiinta ee jigjiga iyo qabridahar.

 

Ugudanbayna macalimiintii imtaxaanka qaadanaysay ayaa sheegay in ay aad ugu faraxsanyihiin in imtaxaankan shatiga ee xaqiijinta tayada xirfada baranimo ay maanta qaataan. Waxayna xuseen in natiijo fiican ay rajaynayaan.