RW Dr Abiyi Ahmed Iyo Madaxwayne isaias Afewarqi Oo Kulan Wada Xaajood Ah wada Qaatay.

Asmara(cakaaranews)Axad, 8da July 2018. Raisalwasaaraha JDFI Dr Abiy Ahmed Iyo Madaxwaynaha Jamhuuriyada Eritrea Mudane Esaias Afewerke ayaa caawa wada qaatay kulan xasaasi ah kaasoo meesha lagaga saarayo khilaafkii iyo colaadii labada wadan ee mudada dheer soo jiitamayay. Islamarkaana lagu abuurayo xidhiidh walaalnimo oo cusub oo albaabada ufuraya isdhaxgalka iyo isusocodka labada shacab ee walaalaha ah.

Hadaba, Wasiirka Wisaarada Warfaafinta Dawlada Eriteriya Mudane Yemaane Gebremasqal ayaa sheegay inay hogaamiye ee labada wadanka ee itoobiya iyo eriteriya ay siqotodheer uga wada xaajoonayaan rabitaanka labada shacab, sinaanta , xoriyada iyo madaxbanaanida labada dal.wasiirka ayaana intaas kudaray in kulanka labada hogaamiye uu yahay mid laga sugayo inay kasoobaxaan Isfahan midaysan laguna wada gaadhayo xal waara oo degdeg ah.

Dhanka kale, RW Dr abiyi axmed oo booqashadan taarikhiga ah kujira ayaa sheegay in xaalada ay hada labada dal kusugan yihiin ay tahay dagaal aan dhiig kudaadanaynin balse loo bahanyahay in lasoo afjaro khilaafkan mudada dheer qaatay oo la iskuxidho labada shacab ee walaalaha ah ee muddada dheer kala qoqobnaa. Waxuuna carabka kudhuftay in labada shacaba ee ethipia iyo Eretria ay aad isugu xiiseen.

Sidookale, booqashada Raisalwasaaraha ay kuwa helinayaan mas’uuliyiin sare oo ay kamid yihiin Wasiirka arrimaha dibada JDFI Dr warqineh gebeyehu,wasiirka xidhiidhka arrimaha dawlada mudane axmed shide, afhayeenka Golaha wakiilada shacabka marwo mufarixaat kaamil,afhayeenka Golaha federeeshinka marwo keeriya ibraahim, madaxwaynaha dawlad deegaanka cafarta mudane xaaji siyuum iyo masuuliyiin kale oo heer federal ah. Iyadoo ay xusid mudan tahay in caawa loo sameeyay raisal-wasaaraha dalka iyo waftiga uu hogaaminayo xaflad casho sharaf ah oo si heer sare ah loo soo agaasimay islamarkaana ay si calool xaadhni ah loogu wada xaajooday.

 

Ugu dambayntii, booqashadan ayaa lafilayaa inay kasoo baxaan natiijooyin fiican oo xalwaara kakeeena khilaafyaadii islamarkaana xoojin doona dhinaca dhaqaalaha labda wadan, arrimaha bulshada, siyaasada iyo xidhiidhka diblamaasiyadeed.