Kalfadhigii 7aad Ee Golaha Baarlamaanka DDSI Iyo MW CMC Oo Khudbad Muhiim Ah Kasoojeediyay

Jigjiga (cakaaranews)Arbaco, 11ka July 2018. Waxaa maanta xarunta deegaanka ee magaalada jigjiga si rasmi ah uga furmay kalfadhigii 7aad ee golaha 5aad ee xildhibaanada deegaanka. Iydoo kalfadhigana ay kasooaybgaleen afhayeenka golaha xildhibaanada DDSI ahna madaxa arrimaha xisbiga ee xarunta dhexe ee XDSHSI, madaxwaynaha DDSI Mudane Cabid Mxamuud Cumar iyo waliba dhamaan xubnaha xildhibaanada  DDSI.

Hadaba,  kalfadhigan ayaa waxaa ugu horayn furay afhayeenka golaha xildhibaanada DDSI ahan madaxa arrimaha xisbiga ee xarunta dhexe ee XDSHSI mudane maxamedrashiid isaaq. islamarkaana golaha soo hordhigay ajandayaasha kalfadhigan. Wuxuuna afhayeenku soo bandhigay ajandayaasha ay kamidka yihiin Ansixinta Warbixinta waxqabadka Xukuumada DDSI ee SM 2010 T.I, ansixinta Warbixinta Baarlamaanka, Ansixinta Miisaaniyada 2011 T.I Ee DDSI, Ansixinta warbixinta Maxkamada Guud, Ansixinta warbixinta Hanti dhowrka,

Intaasi kadib ayaa waxaa halkaasi kahadlay Madaxwaynaha DDSI Mudane Cabdi Maxamuud Cumar islamarakaana khudbad muhiim ah oo dhinacyo badan taabanaysa kasoojeediyay. wuxuun madaxwyanuhu sheegay in warbixinta waxqabadka ee sanad miisaaniyadeedka 2010.T.I ay ku sargo’antahay fulinta qorshayaasha horumarineed, kaabayaasha dhaqalaaha iyo nabadgalyada. Wuxuuna intaa skudaray in warbixintu ka hadli doonto dhinacyada waxsoosaarka beeraha, shaqo abuurka iyo waliba jidadka. Isagoo kubuuriyay golaha in sifiican looga dodo lagana talo bixiyo.

Sidookale, madaxwaynaha ayaa si faahfaahsan uga hadlay guud ahaan isbadalada horumarineed ee kasocda dalkeena. Wuxuuna xusay in qorshaha cusub ee uu wado Raisal-Wasaaraha JDFI  Dr Abiyi Ahmed ee kusalaysan is cafinta iyo isjacaylka ay ka deegaan ahaan ka dhaqan galinyaan dhankooda islamarahaantaana ay ka xisbi ahaan iyo ka xukuumad ahanba ay cafis waydiisanayaan guud ahaanba shacabka DDSI, iyagoo sidookalena cafis u fidinaya dhamaanba cidii ku khaldantay xukuumada iyo xisbigaba.

Madaxwaynaha DDSI mudane Cabdi maxamuud cumar ayaa sidookale tilmaamay in go’aankii baarlamaanka dalkeenu uu ururka ONLF kaga saaray liiska argagixisada ay kadeegaan ahaan aad usoo dhawaynayaan islamarkaana ay xukuumada DDSI cafis ufidisay dhamaan maxaabiistii ONLF ku eedaysnaa  oo wakhtixaadirkan aysan jirin cid uxidhan ururkaasi ONLF.

Dhankakale, madaxwaynaha DDSI ayaa ururka ONLF ugu baaqay in ay kafaa’iidaystaan qorshaha cafiska iyo isjacaylka ee guud ahaanba ururada kale ee dalku ay kafaaiidaysteen. Wuxuuna carabka kudhuftay in xukuumada DDSI  ay wakhtixaadirkan qorshaynayso in dhamaanba jeelasha deegaanka laxidho, iyadoo miisaaniyadii kubaxaysayna loo isticmaalayo horumarka iyoo kaabayaasha dhaqaalaha.

Ugudanbayna, Madaxwaynaha ayaa tilmamay in shacabwaynaha dalka iyo ka deegankaba ay guul wayn u tahay soo saarista shidaalka deegaanku hodanka ku yahay. Wuxuuna madaxwaynuhu amaanay ficilada wanaagsan ee uu qaaday RW JDFI Dr Abiyi Axmed islamarkaana aysan cidna inkiri Karin waxqabadka wanaagsan ee kudayashada mudan ee uu wakhtiga yar ku fuliyay. Wuxuuna  Madaxwaynuhu  cadeeyay in ay dhamaatay xiligii been iskasheegida iyo propogaandada islamarkaana uu shacabwaynaha deegaanku hal mid yahay oo haba yaraatee  cid fadhiid ah aan loo joojin doonin.

Iskusoowada duuboo,  kalfadhigan7aad ee golaha5aad ee xildhibaanada DDSI ayaa si habsamileh uga sii socon doona xarunta DDSI ee magalaada jigjiga.