Cakaara Radio

waxaan Macaamiisha Sharafta leh ku wargalinaynaa in wararkii hore aad ka dheehan kartaan halkan Guji Click

Hogaaminta Ugu Saraysa DDSI Ayaa Kulan Balaadhan layeeshay Shaqaalaha Dawlada Kaasoo Lagu Lafaguray Hawlaha Horumarka Iyo Warbixinadii Tuulooyinka Ee Ay Shaqaaluhu Kasoo Taageereen Abaabulida Horumarinta Qabaleeyada.

Jigjiga(CN) Khamiis-24-July-2014, Hogaaminta ugu saraysa DDSI oo ay ugu horeeyaan Madaxwaynaha DDSI, Afhayeenka baarlamanka DDSI, Madaxwayne Kuxigeenada DDSI iyo wasiirka madaxtooyada ayaa maanta kulan balaadhan kulayeeshay shaqaalaha kala duwan ee dawlada, guriga shirarka ee Qaryaan Dhoodaan.

Kulankan oo socday maanta labadii galinba ayaa lagaga hadlay arimo badan oo kusaabsanaa hawalaha horumarka wadanka iyo warbixintii taageerada hawlaha horumarka ee ay abaabulka kasoo sameeyeen shaqaalihii dawlada ee mudada ku maqnaa tuulooyinka deegaanka. Sida aad horayba ula socoteen waxaa horaantii bisha barakaysan ee Ramadaan xarunta DDSI ee jigjiga ka anbabaxay shaqaalihii heer deegaan oo isugu jiray hogaaminta sare, wasiirada, agaasinada iyo shaqaalo badan kuwaas oo kula baxay tuulooyinka deegaanka si ay abaabul taageero uga soo qabtaan hawlaha horumarka ee ay u baahanyihiin in laga caawiyo shacabka tuulooyinka DDSI.

Shaqaalaha heer deegaan ee tuulooyinka kukala maqnaa ayaa u samaysnaa guddi iyo koox-koox ukala qaybsanaa tuulooyinka kuwaas oo saddexdii gobolba ay hogaaminayeen saddexda Madaxwayne kuxigeen iyagoo qorshahoodu ahaa in la ogaado baahida aasaasiga ah ee shacabka qabaleeyada, in ladhiso guddiyada kala duwan ee ay bulshadu ubaahantahay lagana shaqaysiiyo, in lasoo daraaso waxyaabaha ka dhiman qabaleeyada sida biyaha iyo jidadka, iyo guud ahaanba taageero iyo wacyigalin balaadhan oo ay xubnaha shaqaaluhu kasoo fuliyeen dhamaan tuulooyinkii ay ku maqnaayeen.
Madaxawaynaha DDSI mudane Cabdi Maxamuud Cumar ayaa uga horayntii aad uga mahadceliyay shaqada muhiimka ah ee ay shaqaaluhu u soo qabteen shacabkooda tuulooyinka waliba wakhtiga bisha barakaysan oo uu sheegay in acmaasha wanaagasani ay sii laba jibaarmayso fadaail badana ay leedahay. Madaxwaynaha ayaa sheegay in ay shaqa waliba salkeedu yahay Qabalee islamarkaana ka xukuumad ahaan saldhigu yahay heer qabalee. Wuxuuna madaxwaynuhu sheegay in ay aad muhiim u tahay wadaagista xaalada ay ku suganyihiin shacabkeena tuulooyinka.Wuxuuna Madaxawaynuhu kusoo dhaweeyay xubnihii masuuliyiinta ahaa ee tuulooyinka kasoo shaqeeyay si ay usoo bandhigaan warbixintii taageerada abaabulka horumarka ee ay usoo fidiyeen bulshada heer tuulo.

Masuuliyiinta iyo shaqaalaha heer deegaan ee mudada ka soo shaqeeyay tuulooyinka oo ahaa xubno aqoonayahano ah islamarkaana khibrado dheeraada leh ayaa hawlo badan oo horumarineed kasoo qabtay tuulooyinka iyagoo ka taageeray dhinacyo badan kana soo uruuriyay waxyaabaha ay u baahanyihiin iyo fariimaha ay shacabku xukuumada u soo tabiyeen.

Xubnahan shaqaalaha ayaa markii u danbaysay ee looga yeedhay tuulooyinka aad u xiisanayay inay sii joogaan kadib markii ay isdhexgaleen bulshadii iyo ciidamadii gaarka ahaa ee DDSI ee ku sugnaa qabaleeyadaasi. Warbixintii shaqaalaha ayay koox waliba ku bilaabaysay taariikhda tuulada ay ku qornaayeen ee ay kasoo shaqeeyeen kadibna waxay soo bandhigeen dareenkii ay kala kulmeen shacabka tuulooyinka iyagoo qodob qodob u
soo dhigay baahida dhinacyada aasaasiga ah sida biyaha, jidadka, iyo tuulo kasta waxa ugu baahi badnaa.

Mar lawaydiiyay sida ay shaqaaluhu u arkeen hawlgalkii ay kasoo qabteen tuulooyinka ee ay xukuumadu u dirtay ayay sheegeen in ay aad ugu faraxsanyihiin kalsooni iyo shacabkoodii oo ay wax u qabteena ay kasoo faaiideen. Waxay sheegeen in ay xukuumadani tahay mid kusalaysan shacabka bartilmaameed keeduna yahay heer tuulo. waxaana hadaladii guriga hadheeyay ka mid ahaa "Xukuumadii socota(shaqaysa) shaqaalaheeduna way socdaan, Xukuumadii fadhiid ah shaqaalaheeduna waa fadhiid." Hadal micnihiisu ahaa hogaaminta ugu saraysa ee DDSI ee uu hormuudka kayahay Madaxwayne Cabdi Maxamuud Cumar ayaa ah mid socdaal iyo wadatashiga bulshada ilaa heer tuulo kusalaysan islamarkaana had iyo jeer lasocota lana qaybsata xaalada nololeed ee ay kusuganyihiin bulshada kala duwan ee DDSI.

Iyadoo ay soo diyaariyeen warbixino badan ayay koox waliba si kooban u faah faahisay socdaalkoodii tuulooyinka waxay kasoo qabateen, waxaana kamid ahaa hawlaha nabadgalyada, dardar galinta haayadaha iyo guddiyada kala duwan ee ay u baahantahay bulshada qabaleegu, dar-dar galinta xarumaha ay adeeg bixintoodu liidatay, nidaamka xisbinimo, wacyigalin iyo caawimaad farabadan oo ay u soo fidiyeen bulshada.
Shaqaalaha oo si dib u curasho ah loogu kala diray Qabaleeyada ayaa warbaxintoodii laga dareemay sida ay bulshadu isu jeceshahay iyo sida ay qabyaaladii meesha uga baxday maadaama la arkay xubin kasta sida uu ugu doodayay tuuladii uu tagay islamarkaana uu usoo dhigayay baahida kajirtay. Waxayna shaqaaluhu codsadeen in socdaaladan oo kale labadiyo oo aan lagu ekaynin oo kaliya hogaaminta sare oo iyadu caadaysatay socdaalada taariikhiga ah iyo buuro-jiidhka shacabka dartiis loo marayay.

Dhinaca hogaaminta ayaa aad ugu badan socdaalada dhaadheer iyo buuro-jiidhka taariikhiga ah balse tani waxay ahayd midii ugu badnayd ee ay hogaamin iyo shaqaale isku dhafani lasoo wadaageen xaaladaha dhabta ah ee ay kusuganyihiin bulshada tuulooyinka iyo baadiyaha islamarkaana ay talaabooyin muhiim ah ay kasoo qabteen.

Xukuumada DDSI ayaa socdaaladan iyo hawlgaladan tuulooyinka kasamaysa qorshayaasha ay ka duusho si ay uga jawaabaan baahida shacabka ee dhinacyada horumarka,nabadgalyada iyo maamulka suuban. Waana talaabooyinka lagu xaqiijiyay heerka sare ee ay xukuumada DDSI ka gaadhay dhinaca maamulka suuban oo wadamo fara kutiris ah caalamka sheegtaan.

Gunaanadkii shirka ayuu Madaxwayne Cabdi Maxamuud Cumar uu soo jeediyay duco dheer oo uu ku aadinayay wakhtiga loogu qiyaasta badanyahay habeenka Laylatul Qadriga ee ku beegnayd 27-da Bisha Ramadaan, taasoo uu madaxwaynuhu aad ugu duceeyay ummada muslimiinta ah iyo guud ahaanba dalka. Wuxuuna sheegay in laqaban doono munaasabad aad loogaga warbixin doono hawlaha horumarinta shacabka ku dhaqan qabaleeyada.

Diyaarad Algeria laga leeyahay oo burburtay

Diyaarad ay leedahay shirkada diyaaradaha ee Algeria oo ay saarnaayeen boqol iyo dhowr iyo toban ruux ayaa burburtay. Hay’adda duulimaadyada Algeria ee, Air Algerie, ayaa sheegtay in ay lumisay xidhiidhka diyaaraddan wax yar kaddib uun markii ay ka soo duushiay Dalka Burkina Faso.

Diyaaradda ayaa ka soo baxday magaalada Ouagadougou, ee dalka Burkina Faso. Wasiirka gaadiidka ee dalka Burkina Faso ayaa sheegay in diyaaradan ay saarnaayeen ilaa 110 rakaab ah, oo u badan dalalka Burkina Faso iyo Faransiiska.

Dhowr ruux oo kale oo ka soo jeeda dalalka Carabta, Yurub iyo Afrika ayaa sidoo kalela sheegay in ay saarnaayeen diyaaradaas. Duuliyaha ayaa la sheegayaa inuu la xidhiidhay shaqaalaha duulimaadka Niger oo uu u sheegay inuu khadka baddelanayo kaddib markii ay ka hortimid dabayl xawli ku socota.

ILA QOSOL:- Xariifnimadii Ninkii Bariiska ku Gubtay

Maalin maalmaha kamid ah ayaa nin ay ku baahday hamuun Gaajo uu bariis aad u kulul cantuugay saa indhihuu birigbirig ka siiyay. markii uu afkii ka gubtay ayuu isyidhi hadii aad bariiska soo tufto dadka ayaa kula yaabi doona oo dhalinyarada iyo gabdhaha sululeed ayaa kugu sheekaysan doonaa.

Markaas ayuu ninkii madaxa ciida ka ceshaday kuna adkaystay inuu bariiska kulul afka ku rogrogo oo kulaylka iska xamilo. ninkii ayaa dhamacdii bariiseed kulaylkeedii awgii la ilmeeyay. ka dib ayaa wadaad soo hor fadhiyay yaabay oo ninkii waydiiyay adeer maxaa ku helay ood la ilmaynaysaa?.

Ninkii ayaa wadaadkii ugu jawaabay. Adeer nebigeenii suubanaa naxariis iyo nabadgalyo korkiisa ha ahaatee ayaan yara xasuustay oo muxubo aan u qabo awgeed ayaan qiirooday!(csw)

Laan Bank Cusub oo Ku Soo Biirtay Dhaqaalaha Aduunka oo Ay Ku Bahoobeen Wadamada Brazil,Russia,China,India iyo South Africa(BRICS).

BOGOTA,COLOMBIA(CN) arbaco July23-2014.Sanadihii ugu danbeeyay ayaa ay hogaamiyayaasha wadamada Shiinaha iyo Ruushka oo dhaqaalahoodu kor u soo kacayay mudooyinkan ay socdaalo isdabajoog ah ku tagayeen wadamada Latin America ee ay oodwadaaga yihiin wadanka maraykanka iyadoona ay gacmo furan ku soo dhaweeyeen Cuba,Nicaragua iyo Venezuela booqashooyinka hogaamiyayaasha shiinaha iyo Ruushka.

Sidoo kalana wadajir wadamada Argentine iyo Brazil iyadoona socdaaladan ay laban wadan ee superpowers ah ku micneeyeen isdhexgalka Dhaqaalaha(Ideology And Economics) ay rabaan in ay ku baahiyaan ama isku balaadhiyaan saamaynta ay maraykanka ku yeelan karaan.

Labada Madaxmaynaha waa ka Shiinaha Xi Jinping iyo Hogaamiyaha Ruushka Vladimir Putin ayaa sheegay in booqashooyinkoodu diirada saarayaan balaadhinka xidhiidhka dhaqaalaha iyo iskaashiga ganacsiga ee aynan ujeedadoodu ahayn USA islamarkaana ay xiligii tartanka Ciyaaraha Koobka Aduunku ka socdeen Brazil ay shir balaadhan ku yeesheen wadanka Colombia Wadamada Brazil, Russia, India, China iyo South Africa oo la isku yidhaahdo BRICS ayaa ay hogaamiyayaasha 5ta wadan ku heshiiyeen in ay samaystaan bankiga Horumarinta (development bank) aduun lacageed oo dhan $100 Billion,qorshan ayaa culays adag ku noqon doona Bankiga Aduunka(World Bank) iyo Laanta lacagaha aduunka (the International Monetary Fund).

Putin ayaa wadanka shuuciga ah ee Cuba jasiirad ku taala ugu deeqay $35 Billion islamarkaana ku dhawaaqay in uu maalgalin doono warshada saliida ee dalka Cuba isagoona Putin kaga yaabsaday Qaarada Ameerica ka dib markii uu socdaalkiisii ku hakaday wadanka Nicaragua shirna kula galay madaxwaynaha wadankaas oo ahaa hogaamiyihii jabhada Daniel Ortega(former guerrilla commander ) ka dibna uu heshiis dhanka Qumbuladuriyada wax gumaada(Nuclear Power) la saxiixay Argentine.

Xi ayaa isaguna socdaal 9 maalmood qaatay ku hakaday wadanka Venezuela oo ay sanadihii ugu danbeeyay kala saxiixdeen heshiis dhanka saliida ah oo ku kacaysa aduun lacageed oo ka badan $50 billion taasoo ah mashruuca maalgalineed ee ugu wayn ee uu shiinuhu ka wado Qaarada America. Sidoo kale wadanka shiinaha ayaa danaynaya qorshaha loogu dhisayo wadada tareenka ee dhex marta koonfurta ameerika taasoo isku xidhi doonta Furdada bada Atlsntic dalka Brazil iyo Furdada Peru ee bada pacific.wadanka indhayarta ayaa sanadihii ugu danbeeyay aad ugu oomanaa helida Oil, Soybeans iyo Birta(Iron) kuwaasoo ka buuxa qaarada ameerica iyadoona iibka alaabaha noocan ah lagu qiyaasay 20-fold marka loo eego bankiga horumarinta maraykanka(Inter-American Development Bank.)

Khuburo kala duduwan oo aqoon dheer u leh wadamada shiinaha,ruushka iyo suuqyada caalamka ayaa aritan ku macneeyay iska caabin adag oo ku timaada dhaqaalaha aduunka iyadoona xidhiidhka sii adkaanaya ee ay badanka dalalka ameerica ay isticmaalaan iibka alabada jaban ee ay ka helaan shiinaha ay suurtogal tahay in ay suuqyada qaaradan si degdeg ah sanadaha dhaw kula wada wareegaan.

Labadan wadan oo xooga saaraya maalgashiga iyo xidhiidhka caalamka iyo saliida shiinuhu kaga helayo qiimaha jaban ayaa badbaado u noqon doona dhaqaalaha shiinaha iyadoona la sii odorasay in labadan wadan ee karantiilka laga dhigay ay dhadhaqaaqa ay wadaan kula wareegi doonaan dhaqaalaha caalamka. Putin ayaa hore u jabiyay cunaqabatayntii Nus-qarniga uu saaray Maraykanku dalka Cuba ka dib markii uu kala qayb galay munaasabadii kor u kaca xoriyada madaxbanaanida ee ay ku bahoobeen wadamada latin America.

Khabiir ku xeeldheer arimaha latin america ayaa yidhi "There's undoubtedly a little anxiety about what might be China's intentions, capabilities and whether they will create problems for the U.S.," said Richard Feinberg, a former State Department specialist on Latin America and a senior fellow at the Brookings Institution. "The bottom line is we're seeing a much more assertive, self-confident China."

isku soo wada duuboo isbahaysigan ay 5ta wadan ku samaysteen Bankiga Horumarinta oo 11% ka ah dhaqaalaha aduunka ayaa culays wayn ku noqon doona Bankiga Aduunka(WB) iyo Laanta Lacagaha Aduunka(IMF) oo aan hada ka hor lagula tartami jirin dhaqaalaha aduunka.

ILA QOSOL

(CQ) Talaado July-22-2014.Waa waayada ka mid ah ayaa uu nin damcay inuu saaxiibkii oo jooga wadanga ingiriiska gaar ahaan magaalada London u qoro warqad af ingiriisi ah.

ninkan ayaa waxogaa luqada ingiriiska ah oo uu ka bartay buuga la yidhaahdo English For Africa ee ay waxyaabihii ku qornaa ka mid ahaayeen sheekadii usha ee dhexmartay Motelewa iyo islaantii ayaa uu intiisii yarayd ula kala baxay warqad una qoray sidan.

  • my friend real You cut my leg isagoona u jeeday (waad ilug gooysay)
  • my shop stands up wuxuuna u jeeday (dukaankaygii wuu kacay)
  • and i opened my wife wuxuu uga gol lahaa inuu qoro (xaaskaygiina waan fury). kkkkkk

Shir Balaadhan oo Ay Madaxda Xarunta Dhexe ee XDSHSI u Qabatay Ardayda Wax ka Barata Jaamacadaha Dalka ee Ku Jira Xiliga Fasaxa.

Jigjiga(CN) Talaado July-22-2014.Jihooyinka iyo Siiyaalada Qorshayaasha ee Xisbiga talada deegaanka haya ayaa ay door muhiim ah kaga jiraan wadar ahaan dhalinyarada wax ka barata jaamacdaha dalka islamarkaana u qaoonsan in ay lafdhabar u yihiin Horumarka deegaanka iyo hanashada hogaaminta mustaqbalka talada deegaanka maadaama uu wadan horumar iyo isbedelo dhaqan dhaqaale iyo mid bulshaba ku hiigsan karo cudud dhalinyaro ku gaashaaman Aqoon iyo xirfado ay ugu adeegaan shacabkooda.

XDSHSI ayaa u dejiyay dhalinyarada iyo Ardayda jaamacadaha Dalka wax ka barataba qorshayaal kor loogu soo qaadayo garaadkooda maskaxeed iyo aqoontoodaba islamarkaana xiliyada waxbarashada iyo wakhtiyada fasaxaba u qabta tababaro la xidhiidha sidii looga haqabtiri lahaa barashada jihooyinka mustaqbalka iyo siiyaalada loo marayo horumar,n/galyo iyo maamul saxar tiran oo ka jawaaba baahiyaha iyo waxqabadka ay shacabku uga baahan yihiin xukuumada.

Hadaba shirwaynahan ay xarunta Dhexe ee XDSHSI ugu qabatay magaalada jigjiga dhamaan ardayda wax ka barata jaamacadaha kala duduwan ee dalka ee ku jira xiliga fasaxa ayaa ay ujeedooyinka laga lahaa ka mid tahay mid lagu dhiirigalinayo sidii ay uga midha dhalin lahaayeen Waxbarashada ay ku jiraan taasoo ka mid ah himilooyinka Xisbiga ee ku wajahan Cudud Ciidan waxbartay oo daboola waxqabadka iyo hogaaminta qaabdhismeedyada Deegaanka. sidoo kale waxaa kaloo ka mid ah tababar ay xarunta Dhexe ugu talogashay Ardayda Jaamacadaha kuna saabsan sidii ay loogu carbin lahaa hogaaminta mustaqbalka islamarkaana fahan buuxa looga siin lahaa Siiyaalada Xisbiga iyo jihooyinka siyaasadeed ee uu X.D.SH.S.I hiigsanayo ee ku wajahan dhinacyada Horumarka,N/galyada,Maamulka saxartiran iyo iskuxidhka Shacabka deegaanka Dal iyo Dibadba.

Kulankan oo ay soo xaadireen 1000 Arday oo ka mida ardayda deegaanka ee wax ku kala barata 32-da jaamacadood ee dalka ku yaala ayaa uu ka hadlay Madaxa xarunta Dhexe ee XDSHSI mudane Cabdi-kuus C/laahi saleebaan isagoona marka hore farxad ka muujiyay isbedelka iyo dimoqraadiyada kacuratay halgankii bahwadaagta EPRDF sanadkii 1983 T.I Dalka Itoobiya faaiidooyinkii laga helay fursadaha horumar-dimoqraadiyadeedna ka mid tahay maanta in deegaankeena oo ka aradnaan jiray Waxbarashada iyo Cudud wax baratay uu helay Aqoonyahan kafeeyay baahidii deegaanka kuna sii dhow in daboolka xidhmooyinka waxbarasho mustaqbalka dhaw iyo dhexeba gaadho guri kasta.

Masuulka ayaa warbixin dheelitiran ka siiyay ardayda heerarkii uu deegaanku soo maray wixii ka horeeyay xukuumada maanta hogaanka haysa.sidii iyo talaabooyinkii lagaga soo gudbay marxaladihii adkaa ee ragaadiyay Qaab-dhismeedka dawlada,Hogaaminta Xisbiga iyo aragtiyihii isku marduufnaa ee Boqonta hayay horumarka, n/galyada iyo maamulka suuban ee DDSI. Mudane C/kuus ayaa ka warbixiyay heerka waxqabadka iyo isbedelada baaxada wayn ee uu Deegaanku ku talaabsaday sanadihii ugu danbeeyay dhinacyada horumarka, n/galyada, maamulka saxartiran,maalgashiga,shaqo abuurka iyo iskuxidhka shacabweynaha DDSI ee ku kala baahsan Dalka iyo Dibadaha.

Madaxa Xarunta Dhexe ee XDSHSI ayaa sharax iyo tilmaamo buuxa ka siiyay Ardayda jaamacadaha jihooyinka siyaasadeed iyo siiyalada qorshayaasha Xisbiga u dejisan kuwaasoo ka midho dhalintoodu ay udub-dhexaad u tahay sidii loo sugi lahaa xuquuqaha dastuuriga ah ee xaqdhawrka sharafta qofnimo iyo mida dimoqraadiyadeed ee guud ahaan Muwaadiniinta dalka gaar ahaana muwaadiniinta soomaalida itoobiya damaanad buuxdana shacabka uga noqda waxqabad huwan kaalin muuqata iyo dhisida xukuumad adag oo door muhiima kaga jirta heerarka hogaamineed ee DFI ku hogaamisa shucuubta iyo qowmiyadaha Dalka wadaag cadaaladeed laguna xoojiyo ku dhisnaanta dawlad wadaag lafdhabar u ah midnimo dimoqraadi ah oo ku taagan sinaanta iyo rabitaanka shacabka ayuu yidhi.

Ugu danbayntii ayaa uu madaxa xarunta dhexe ee X.D.SH.S.I mudane: c/kuus c/laahi uu hadaliisii ku soo gabagabeeyay sidii ay ardaydani uga faaiidaysan lahayd qaadashada casharada ku saabsan jihooyinka Siyaasadeed, Xeer-nidaamyeedyada xisbiga, iyo Siiyaalada qorshaha XDSHSI uu ku taamayo mustaqbalka si ay bulshada iyo dalkoodaba ugu faaiideeyaan.

Isku soo wada xooriyoo ma ahan markii ugu horaysay ee ay xarunta Dhexe waayadan danbe kula kulmaan aradayda jaamacadaha dalka iyagoona hada ka hor ugu tagay jaamacadaha bahardar,Maqale iyo kuwo kale iyadoona uu qaadashada tababarkani socon doono maalmaha soo socda

More Articles...

  1. Magaalada Diridhaba Oo Laga Dhisayo Garoon Ciyaareed Caalami Oo Casri Ah.
  2. Wasiirka Qurbajoogta DDSI Oo Maanta Xafiiskiisa Ku Qaabilay Xubno Ka Socday Gudiga Fulinta Ee Jaaliyada Wadanka Denmark.
  3. Madaxwaynaha DDSI oo Maanta Xafiiskiisa Ku Qaabilay Qurba joog u Dhalatay Deegaanka oo Dalal kala Duduwan ka Yimid Kuwaasoo Ka Koobnaa Gobolada Liibaan,Doollo iyo Qoraxey.
  4. Haweenka DDSI ee Ku Dhaqan Magaalada Brmingham UK oo Doortay Hogaan Cusub.
  5. Koboca Bilicda iyo Baaxada Xarunta DDSI Ee Magaalada Jigjiga Oo Sanadihii Ugu Danbeeyay Ku Talaabsatay Xawaare Aad U Dheeraynaya Dhinaca Horumarka.
  6. Warshada Caanaha Ee Barwaaqo Ee Magaalada Jigjiga Oo Waxsoo-saarkeedii Kor U Kacay Iyo Maalgashiga Deegaanka Soomaalida Itoobiya Oo Aad U Sii balaadhanaya.
  7. Madaxwaynaha DDSI Ayaa Kulan Wadatashi Ah Layeeshay Qurbajoogta U Dhalatay DDSI Ee Gobolka Doollo.
  8. Isbadalka Lagu sameeyay Guud ahaan Mac'hadka Maaraynta DDSI Ayaa Deegaanka Waxtar Wayn Uga yeeshay dhinacyo Badan Oo ay Kamidyihiin Tababarada Waawayn Ee Loo Tagi Jiray Dalka Dibadiisa.
  9. Maamulka Magaalada Jigjiga oo Raashin ugu Qaybiyay Magaalada Jigjiga 200 oo Ka mIda Qoysaska Danyarta ah(Walaal Afuri Walaalkaa).
  10. Madaxwaynaha DDSI Oo Kaqayb-galay Munaasabad Loogu Abuurayay Illo Ganacsi 248 Haween Ah.
  11. Shirkii Baarlamanka DDSI Ee Kalfadhigii 9aad Ayaa Si Xoogan Looga Hadlay Kooxda Argagixisada Ah Ee Alqushaash.
  12. Warbixintii Taabogalinta Siiyaalada Waxqabadka Xukuumada ee sanadkii 2006 oo uu Golaha Baarlamaanka Hortooda ka Akhriyay Madaxwaynaha DDSI.
  13. Baarlamanka DDSI Oo Ansixiyay Miisaaniyadii Sanad-miisaaniyadeedka Cusub Ee 2007 T.I Iyo Qodobo Kale Oo Muhiim ah.
  14. Kalfadhigii 9aad ee Bar-Bilawga Waxqabadka Sanad-miisaaniyadedka 2007 ee Golaha Xildhibaanada DDSI oo Saaka Si Rasmiya uga Furmay Hoolka Shirarka ee Qaryaan Dhoodaan.
  15. Madaxawayanaha DDSI Ayaa Kulan Balaadhan Layeeshay Qurbajoogta U Dhalatay DDSI Ee Gobolka Qoraxey.
  16. Xulka Qaranka Germany oo Markii 4aad Hantay Koobka Aduunka.
  17. Ogaysiis:kalfadhigii bar-bilawga Baarlamaanka DDSI sanad-miisaaniyadeedka sanadka 2007 oo Beri Si rasmi ah uga Bilaabmi Doona Hoolka Shirarka Qaryaan Dhoodaan.
  18. Tacsi:- Geeri Naxdin Leh
  19. Munaasabad Afur-Sharafeed loogu sameeyay Caawa Dhalinyarada Sedyo-Sweden Hotel Nogob.
  20. Guddiga Fulinta SEDYO oo Kulankoodii Caadiga Ahaa Ku Yeeshay Xafiiska Ay Ku Leeyihiin MN Soona Saaray Go'aano Ay Ka Mid Yihiin.
  21. Qiimayn Dardargalin Geedi-Socodyada Shaqo oo Ku Socota Shaqaalaha wakaalada Daraasaadka iyo Naqshadaynta
  22. Jaamacada Bahardaar oo ay ka Qalin jabiyeen Arday dhan 6600 iyo Masuuliyiin kamid ah Xukuumada DDSI oo ka Qayb galay.
  23. Wasiirka Xafiiska Adeega Shacabka iyo Kobcinta Awooda oo Saaka u Shiraacday Caleen oo Ka Tirsan Maamulka Degmada Shilaabo.
  24. Ku-xigeenka Madaxwaynaha Ahna wasiirka Caafimaadka DDSI oo Soo Gunaanaday Geedi-Socodkii Shaqo ee Hawlgalka Bisha Ramadaan Gobolada Shiniile Faafan Kuna Sii Wajahan Gobolka Doollo.
  25. Kooxaha Falastiiniyiinta Ayaa Wali Gantaalo Gaadhsiinaya Magaalooyinka Israel, Iyadoo Talaviv Ay Waydaarsanayso Duqaymaha Cirka Ee Marinka Qaza.
  26. Hawlgalada Masuuliyiinta iyo Shaqaalaha Heer Deegaan oo Si Habsimaya uga Socda Gobolka Nogob iyo Faraca Degmada Xamaro oo Gudagalay Geedi-Socodkii Shaqooyinka Loo Idmay
  27. Faaqidaada Ciyaaraha Koobka Aduunka Brazil Mucjisadii 6aad oo Noqotay Xulka Brazil oo Qaybtii Horeba 5 Boga Loo Galiyay.
  28. Madaxwayne Kuxigeenka Ahna Wasiirka Horumarinta Magaalooyinka iyo Warshadaha oo Socdaal Dheer ku Maraya Gobolada Shabeele,Afdheer iyo Liibaan Caawana Ku Sugan Hargeele.
  29. Waa Sidee Muuqaalka Ardayda ka Soo Jeeda DDSI ee Ka qalinjabisa Waxbarashada Dugsiyada sare ee Wadanka Sweden.
  30. Madaxwaynaha DDSI Oo Galabta Kulan Balaadhan Layeeshay Qurbajoogta U Dhalatay Degmada Dhanaan Ee Gobolka Shabeele Kuwaas Oo dhawaanahan Ku Sugnaa Hawlahoodii Booqasho.
  31. Ku-xigeenka Madaxwaynaha Ahna Hogaanka,N/galyada iyo Cadaalada oo u Heensaystay Gobolada Qoraxay Doollo iyo Caawana ku Sugan Magaalada Wardheer ee Xarunta Gobolka Dollo.
  32. Xaflad Lagu Gudoonsiiyay Ambalaasyo Cusub Wasaarada Caafimaadka DDSI Ayaa Galabta Ka Dhacday Barxada Wayn Ee Wasaarada Caafimaadka DDSI.
  33. Faaqidaada Ciyaaraha Koobka Aduunka Brazil 2014. 5 ka Mida Record-yadii Yaalay oo La Jabiyay.
  34. Awaare oo Ay Shirar Xog Aruurin iyo wadatashi KulaYeesheen Qaybaha Shacabka Kooxdii Shaqaalaha Heer Deegaan oo uu Hogaaminayay Mudane C/kariin Cawil(Fanax).
  35. Ku-xigeenka Madaxwaynaha DDSI ahna Hogaanka N/galyada iyo Cadaalada DDSI oo Hawlgal Horumarineed Ku Tegay Nogob iyo Shaqaalihii Heer-Deegaan oo Ilaa Heer Tuulo gaadhay.
  36. Taariikhda Caalamka Markii ugu Horeysay Koobka-Aduunka Cayaar la hakiyay kulaylka Cimilada oo Sare u Kacay Darteed(Qadar Nasasho Is-Qaboojin Ah).
  37. Jaaliyada Ohio-Columbus Masuul Ka Socda oo Ka Mid ahaa wafti Si Baaxad wayn Loogu Soo Dhaweeyay Magaalada Jigjiga.
  38. Madaxa Xafiiska Maaliyada iyo Horumarinta Dhaqaalaha ee Degmada Gaashaamo oo Ka warbixiyay Qorshayaashii Waxqabadka sanadka 2006.
  39. Jaaliyada DDSI Ee Minnesota iyo Ururka Dhalinyarada SEDYO Oo Ka Qayb Qaadanaya Bandhiga AESAONE Ee Minneapolis Ka Furmaya.
  40. Madaxwaynaha DDSI Oo Hanbalyo Iyo Salaan U Diray Dhamaan Muslimiinta Caalamka Kana Hadlay Fadaa'isha Bisha Barakaysan Ee Ramadaanka Ee Hijrada Sanadka 1435 aad.
  41. Ururka Dhalinyarada SEDYO ee Sweden oo Si Heer Sare Ah Loogu Soo Dhaweeyay Xarunta DDSI ee Caasimada Jigjiga.
  42. Jaamacada jigjiga oo ay maanta Dufcadii 6aad ku Qalin Jabiyeen Arday dhan 1400 IYO Ku-xigeenka Madaxwaynaha Ahna Wasiirka Horumarinta Magaalooyinka Dhism, iyo Warshadaha DDSI oo Ka Qaybgalay.
  43. WAKAALADA DAKHLIGA EE DDSI AYAA XAFLAD LAGU ABAALMARINAYAY DEGMOOYINKA GUULAHA KA SOO HOOYAY NIDAAMKA DAKHLI ARURINTA.
  44. MAREEYAHA WAKAALADA ABUURKA XULKA SEEDKA TAYEYSAN EE DDSI AYAA SHEEGAY INAY SII XOOJINAYAAN DADAALKA AY UGU JIRAAN SOO SAARISTA IYO BIXINTA ABUURKA TAYADA LEH
  45. Wasiirka gaadiidka iyo Ganacsiga DDSI ayaa xadhiga ka Jaray Busas ay Keentay Shirkada Gaadiidka Gaarka Loo leeyahay Eagle-Express.
  46. Kuliyada Caafimaadka jigjiga oo ay Maanta Dufcadii 9aad ka Qalin jabiyeen 608 arday iyo Masuuliyiinta Xukuumada ugu Saraysa oo Ka Qaybgashay +Sawiro
  47. URURKA SEWD FOUNDTION(Ethiopian Somali Women Devolopment) Ayaa Deeq Dhar Aradbax Ah u Qeybiyay Qaxooti Somali ah oo Dhawaan Soo Gaadhay Minnesota.
  48. Faaqidaada Ciyaaraha Koobka Aduunka:-DAAWO GOOLASHA Lionel Messi Koobka Aduunka 2014, saansaantii Maradona ee Kobka Aduunka 1986.
  49. Shirkii Qiimaynta Dabayaaqada Qorshaha Waxqabadka Sanadka Maamulada Degmooyinka iyo 4$ta Maamul magaalo oo La Soo Gunaanaday iyo Madaxwaynaha oo Abaalmarino Bixiyay.
  50. Faaqidaada Ciyaaraha Aduunka:- xulka Qaranka kubadda cagta ee Aljeeriya ee ka qeybgalay ciyaaraha koobka adduunka, ayaa ah kuwo tayo leh, iyaga oo hoos iska soo dhisay Helayna Qaar ka mida Xidiga aduunka oo ay Hayb wadaagaan.
  51. Dayactirka mashruuca waraabka galbeedka beercaano ee gobolka shabeele oo gabagabo maraya+ warbixin.
  52. Hello Marsin: Degmada Marsin oo Ka Mida Degmadii 59-aad ee Hesha Isticmaalka Aalada Casriga ah ee Mobile-ka.
  53. Xulka Qaranka Beljemka oo xili ciyaareedkan soo aruursaday laacibiin caan ah ayaa noqday dalkii ugu horeeyay ee kaalinta koowaad kaga soo baxa Group (H) ka dib markii ay Gool agoon ah kaga badiyeen xiddigaha Qaranka Ruushka.
  54. Weriyayaal 7 sano lagu xukumay Masar
  55. Jaaliyada DDSI Ee Minnesota Oo Maamul Jaaliyadeed Dooratay.
  56. Ogaysiis: Dhamaan Jaaliyada Soomaalida Itoobiya Ee UK Iyo Cidii Danaynaysa In Ay Kasoo Qaybgalaan Shirka Diwaangalinta UHSI Oo Kadhici Doona London.
  57. Qiimayn ku Socota Dhamaan Maamulada 9ka Gobol ee DDSI.
  58. Xafiiska Wakaalada Qurbajoogta DDSI oo Tilmaamo iyo Digniin Ka Soo Saaray Socdaalada Qurbajoogta Dhanka fayo- dhawrkooda
  59. Baaqa Kasoo Baxay Shirwaynihii Wadatashiga Xukuumada Iyo Shacabka DDSI Oo Maanta Soo Gabagaboobay.
  60. Maalintii 8aad oo La Soo Gunaanaday Shirwaynihii Wadaaga ahaa ee Lagaga Arinsanayay Horumarka,N/galyada iyo Maamulka saxar-Tiran oo Maanta La soo Gunanaday.
  61. Ila Qosol: Nin Duruufi Haysay oo Rooti Sanuunad Ku Daartay oo Lacag loo Qabsaday.
  62. Shirwaynihii oo Maalintii 7aad galay iyo Waxqabadka Ururka Horumarinta Soomaalida Itoobiya oo Si wayn Loogu Guuxay
  63. Ila Qosol: Safarkii Magaalada Oday Reer-Baadiye ah.
  64. Obama Oo Sheegay Inaan Loo Baahnayn Ogolaanshaha Madaxda Congress-ka Si Talaabo Militari Looga Qaado Kooxda Xoogaysanaysa Ee Ka Dagaalamaysa Wadanka Ciraaq.
  65. Shirwaynaha Wada-Tashiga Horumarka,N/galyada,Maamulka Saxar-tiran iyo Arimaha Bulshada ee Samaankiiba Mar ay Xukuumada iyo Qaybaha Bulshadu isugu Yimaadaan oo Galay wajigiisii 2aad.
  66. Cabdi Aadan oo Qado-sharaf ugu sameeyay Beerta wayn ee jalose Qaar ka mida Qurbajoogta
  67. Shir ay u Dhanaayeen Guud ahaan Jaaliyada Yemen oo Ka Dhacay Gudaha Safaarada DFI ee Sanca.
  68. Wasiirka Xafiiska Adeega Shacabka iyo Maamulka DDSI oo Tacsi u Diray Qoyskii iyo Ehelkii Ku-Xigeenkiisii oo Shalay Geeriyooday.
  69. Shirwaynihii Wada- tashiga horumarka N/galyada iyo Maamulka suuban oo Wali si Habsamiya uga socda Xarunta deegaanka iyo Xukuumada oo Ka Soo Jeedisay warbixinta Waxqabadka Siiyaalada.
  70. Deg-Deg: Inaalilaahi Wa Inaa Ilayhi Raajicuun Qalbi Axmed Jaamac oo Shil Gaadhi Ku Geeriyooday.
  71. Xukuumada DDSI Oo Soo Iibsanaysa 120 Baabuur
  72. Carwada Shirwaynaha 8aad ee Ururka Ganacsatada Haweenka Reer Itoobiya oo Xadhiga Laga jaray.
  73. Shirwaynihii Sanadlaha ahaa ee Xukuumada iyo Qaybaha Bulshadu Kaga Wada-Tashanayeen Horumarka,N/galyada iyo Maamulka Suuban oo Saaka Si Rasmi ah Madaxwaynahu u Furay.
  74. Casho-Sharaf Xalay Loogu Qabtay Guriga Martida Qaryaan Dhoodaan Marwada 1aad ee Raysal-Wasaaraha DFI
  75. Madaxa Xarunta Dhexe Ee XDSHSI Ayaa Sheegay In Ay Bilaabanayso Qiimayntii Waxqabadka Sanadka 2006-da Toddobaadkan Fooda Inagu Soo Haya
  76. Ciidamada Liyuu Poliska DDSI Oo Guulo Laxaad Leh Ka Soo Hoyiyay Dagaaladii Ay La Galeen Alshabaab
  77. In Kabadan 1500 Oo Ah Guurtida Odoyaasha Deegaanka Ayaa Soo Gaadhay Xarunta DDSI ee Jigjiga
  78. Shir Ka Dhacay Melbourne
  79. Xafiiska adeega shacabka iyo kobcinta maamulka DDSI oo tababar ugu soo xidhigay degmada awbare 420 xubnood oo ah xildhibaanada degmada iyo kuwa qabaleeyada.
  80. Golaha Wakiilada Shacabka Itoobiya Ayaa Kawada Hadlaya Miisaniyada Sanadka 2007 EC
  81. Shir Lagu Xoojinayay Aragtida iyo Hadafka XDSHSI Dhinaca Ardayda Jaamacadaha oo Ka Dhacay Bahardar.
  82. Xafiiska gaadiidka iyo ganacsiga DDSI oo wacyigalin kusaabsan kor u qaadida ganacsiga sharciga ah iyo waxyeelada uu leeyahay ganacsiga sharcidarada ah kasameeyay qaarka mid ah Gobolada DDSI.
  83. Madaxwaynaha DDSI oo Xadhiga ka Jaray Wado Laami Ah Xaafada 1aad ee magaalada Jigjiga.
  84. 23-Guurada Guusha Ginbot-20 oo Si Heer Sare ah Looga Xusay Perth iyo Madax Kala Qaybgashay.
  85. Waxaan u Soo Joogay iyo Heerka Maanta La marayo(Ilaahay Baa Inagu Simay).
  86. Xaflad lagu abaalmarinayay Kooxdii Dhakaatiirta ahaa ee fuliyay hawlgalkii soo celinta Araga Qaar Ka Mida Shacabka DDSI oo ka dhacay barxada wayn ee Guriga Martida Qaryaan Dhoodaan.
  87. xaflad balaadhan oo Lagu Abaalmarinayo Dhakhaatiirta Deegaanka ee Qaliinka Indhaha oo Caawa lagu Qabtay Guriga Martida Qaryaan Dhoodaan.
  88. Yemen migrant boat sinking is 'worst this year' - UN
  89. Ila Qosol: Guurkii Kirishboyga iyo Tuugii Ku Hungoobay
  90. Munaasabada xuska maalinta caalamiga ah Ee ilaalinta Deegaanka Ayaa si heer sare looga xusay caasimada DDSI Ee Jigjiga
  91. Kulan lagu Gorfaynayay Barnaamijka horumarinta Caasimadaynta Magaalooyinka oo ka furmay Hoolka Shirarka ee Xarunta Dhexe ee XDSHSI.
  92. Wasiirada arimaha haweenka caruurta iyo dhalinyarada DDSI oo Qado sharaf ugu samaysay huteel xamda qurba joogta u dhalatay DDSI ka soo jeeda Gobolka qoraxay.
  93. Cidamada liyuu bolis oo Alshabaab ka qabsadey 5 magaalo 85 askarina ka diley
  94. Xuska 23 aad ee Midho-Dhalka Guusha maalinta Ginbot 20 iyo Sanad guurada 3aad ee Mashruuca Biyo Xidheenka Abay oo si balaadhan looga Xusay Stockholm.
  95. Tababar loo Qabtay Shaqaalaha xafiisyada bahwadaagta la ah xafiiska haweenka Dhalinyarada iyo Caruurta DDSI.
  96. Xaflad loogu Dabaaldagayo Sanad-guurada 23aad ee Guusha Ginbot 20 Laguna taageerayo Horumarka N/galyda iyo Maamulka saxar-tiran ee Ka Taabogalay DDSI oo Caawa Ka Dhici Doona Edmenton-Canada.
  97. Guulaha Laga Dhaxlay Ginbot 20 iyo Waayihii Laga Soo Gudbay(Gaaf-Wareegay)
  98. Xaflad balaadhan oo loogu dabaaldagayay sanad guurada 23aad jirsatay ee 20-ka Ginbood oo ka dhacay xarunta Somaliland ee hargaysa.iyo qaarka mid ah masuuliyiinta xukuumada DDSI iyo Somali-land oo ka qaybgalay.
  99. Madaxa Xarunta Dhexe ee X.D.SH.S.I Ayaa Sheegay in Xisbigu uu Sii Laban-Laabi Doono Guulaha Ka Dhashay Isbadalka 20-Ka Ginbood.
  100. Xafiiska adeega Shacabka iyo Kobcinta Maamulka DDSI oo Saaka u Kala Diray Khabiiro ka Kooban 5-kooxood 5-Gobol.